Doel van Omgeegroepe
· Dit verskaf die raamwerk waarbinne die lede mekaar kan bedien en waar hulle kan groei.
· Dit is die ruimte waar geloofsekerheid gevind kan word en ons toegrus kan word om uit te reik na ander wat nog nie ’n ontmoeting met Christus gehad het nie – ministry and mission.
· Dit is die plek waar ons mekaar ontmoet, bedien en ander lede intrek. So vind groei en ook mettertyd, vermenigvuldiging plaas - meaning and multiplication.
· Die liefde van Christus word sigbaar wanneer lede vir mekaar sorg, mooi verhoudinge het, tyd saam spandeer, mekaar dien en uiteindelik ook geestelik groei.
· Omgeegroepe is die plek waar lede mekaar se laste kan dra, help met moeilike besluite en hartseer.
· Dit is die oefenruimte vir geestelike lewe en groei. Lede leer die Bybel beter verstaan, begin om die Woord met ander te deel en dit help baie mense om geestelike volwassenheid te bereik.
· Omgeegroepe vorm ook die basis vir intersessie waar lede ernstig vir mekaar en ander kan intree in gebed.
· Projekte fokus op hulp en uitreikaksies. Lede help met ’n verskeidenheid aksies soos voorsiening van kos en die verspreiding van geestelike lektuur.
· Een van die belangrike doelwitte van die Omgeegroep is die ontvriesing van die gawes van lede sodat hulle die gawes van leiding, wysheid, barmhartigheid, kennis en professie kan uitleef.
Die 10 Grondpilare (“10 G’s”)
Geloofsekerheid
Elke lidmaat is 100% seker dat hy uit genade gered, vergewe en oppad hemel toe is.
Getuig
Elke lidmaat getuig onbeskaamd en openlik in die krag van die Heilige Gees.
Groei
Lidmate staan nie geestelik stil nie en bly nie geestelike babas nie, maar groei met ywer tot volwassenheid deur hul stiltetyd en betrokkenheid by die kerk.
Groepe
Lidmate kan nie los van die liggaam van Christus funksioneer nie en skakel daarom in by ’n omgeegroep waar hulle vir mekaar omgee.
Gawes
Lidmate dien mekaar met hulle gawes.
Gebed
Lidmate is getroue intersessors en bid volhardend vir die uitbou van God se Koninkryk.
Gehoorsaam
Lidmate is bereid om hulle kruis op te neem, God bo alles te gehoorsaam en Hom te volg sodat hulle heilig en vrugbaar sal lewe.
Genade
Lidmate betoon deur barmhartigheid genade aan minderbevoorregtes en ook deur die sosiale opheffing van mense in nood.
Gaan
Lidmate reik buite hul gemaksgroef uit na ander deur die Evangelie na hulle toe uit te dra.
Gee
Lidmate gee geld vir die bou van God se Koninkryk, deur oorvloedig en volgens die riglyn van die 10de te gee.