Die nuwe infrastruktuur maak dit vir die gemeente moontlik om ‘n groter impak op die nood in die gemeenskap en res van die land te maak.

Daar is meer plek om opleiding aan lidmate, mense van die gemeenskap en ander gemeentes te bied en meer opleidings- en omgeegroepmateriaal kan versprei word.  Ons mikpunt is om al hoe meer gemeenskap-gefokus te raak en om oor die langer termyn in staat te wees om meer finansies na buite aan te wend.

Die nuwe geboue bestaan uit ‘n admin-gebou waarvandaan al 160 personeellede en leraars nou werk. Die Ondersteuningsentrum, ook in hierdie gebou, bedien die gemeenskap gratis deur verskeie soorte berading. Daar is nou plek vir meer beraders om die groeiende aanvraag na berading te hanteer. Daar is ook verskeie ondersteuningsgroepe waaronder ‘n groep vir substansafhanklikes en depressielyers. Al 55 beraders en 4 maatskaplike werkers werk daarvandaan.

Click to read more ...

Op Saterdag 16 en Sondag 17 Januarie het ons die splinternuwe geboue by Woodlands ingewy.

Vandat die gemeente die nuwe sentrum by Woodlands beplan het, was die ideaal om op die ou end al die fasiliteite en personeellede op die Woodlands-kampus te sentraliseer.  Die gemeente se groei het veroorsaak dat daar net nie verder op die Rubenstein-kampus uitgebrei kon word nie.

Click to read more ...

Dis nou so amper, amper of die gebou is klaar!  Splinternuut, funksioneel en pragtig! Die bouers werk dat die biesies bewe om die laaste paar afrondings te doen.  Daar is nog heelwat werk aan die tegniese ateljees, maar dit sal vroeg in die nuwe jaar klaargemaak word.

Die Fasiliteitespan het al begin rakke en meubels oortrek en hier en daar is al ‘n kaal muur in die Rubenstein-gebou.

Die personeel wat nog teen middel-Desember werk sal al hul kantore en werkstasies kan inrig wanneer die 'Groot Trek' begin.

Kyk hier hoe lyk dinge nou al binne-in die gebou. Die foto’s is middel November geneem.  Ons plaas binnekort meer.

Ek het weer by Thomas Joubert, die konstruksiebestuurder, gaan inloer om te kyk hoe vorder dinge.  Thomas vertel hulle het verlede week (die tweede laaste week van September) die laaste groot stuk beton gegooi wat die loopgang tussen die bestaande en nuwe gebou vorm.  Die boekwinkel gaan ook nou vergroot word.  Hulle het die stapelmure (drywalling) in die beradingsentrum en admin-area reeds voltooi en is besig om te verf.  Teëlwerk op die grondvloer is amper klaar, hulle het begin teëls lê op die boonste vloer en sal oor twee weke (derde week van Oktober) klaar wees.

Op die boonste vloer is hulle besig om die jeugomgeegroep-vertrekke se stapelmure te bou en behoort binne ‘n week klaar te wees.  Dit is in die sale wat as die perssaal en rooisaal gaan bekendstaan; daar is kleiner vertrekke reg rondom die sale wat die jeug soggens vir kinderomgeegroepe en saans vir senior jeug omgeegroepe gaan gebruik. Die parkeerarea is ook reeds klaargemaak.

Die gebou moet oor ‘n maand van nou af omtrent klaar wees, so hulle is ook besig om al die laaste klein goedjies uit te sorteer.  Dan begin ons om die gebou binne toe te rus…

Hou hierdie spasie dop vir nuwe foto's!

Die steen-,  pleister- en betonwerk is amper klaar. Die aluminiumvensters is geïnstalleer en die bouspan het die binnemure begin bou en die plafonne begin insit. Ons vorder goed, die gebou is amper klaar!!

Die dakstruktuur sal binne die volgende week afgehandel wees en daarna die dakplate.

Thomas Joubert, die konstruksiebestuurder, sê hulle begin hierdie week (eerste week in Sept) met die buite werke - plaveisel by die CGD-stoor en kleuterskool. Dit sal binne twee weke afgehandel wees. Daarna begin hulle met die plaveisel rondom die hoofgebou.